Zero to Diamond King with Mind Power

 

మీరు జీవితంలో ఏదైనా కొత్తగా ప్రారంభించాలనుకుంటున్నారా? వ్యాపారంలో అద్భుతాలు సాధించాలనుకుంటున్నారా? అయితే మీరు అందరికంటే ముందుగా నేర్చుకోవాల్సింది ఒకటి ఉంది: మీ మెదడును నియంత్రించడం (Train and Control your Brain).

 మైండ్‌ను మీరు కంట్రోల్ చేయగలిగితే, ప్రపంచాన్ని జయించవచ్చని నిరూపించారు గుజరాత్‌కు చెందిన ప్రముఖ వ్యాపారవేత్త, పద్మశ్రీ అవార్డు గ్రహీత సవ్జీ భాయ్ ధోలాకియా (Savji Bhai Dholakia).

ఒక సాధారణ గ్రామం నుండి కేవలం ₹12.50 చేతిలో పట్టుకుని సూరత్ నగరానికి వచ్చిన ఒక సామాన్య వ్యక్తి, ఈరోజు ₹12,000 కోట్ల విలువైన హరికృష్ణ ఎక్స్‌పోర్ట్స్ (Hari Krishna Exports) డైమండ్ సామ్రాజ్యాన్ని ఎలా నిర్మించగలిగారు? తన ఉద్యోగులకు దీపావళి కానుకగా 1260 కార్లు, 400 ఫ్లాట్లను గిఫ్ట్‌లుగా ఇచ్చే స్థాయికి ఆయన ఎలా ఎదిగారు? రోజువారీ జీవితంలో ఎదురయ్యే నీటి కొరత సమస్యను అధిగమించడానికి ఏకంగా 155 సరస్సులను (155 Lakes) ఎలా తవ్వించగలిగారు?

ఈ ప్రశ్నలన్నింటికీ సమాధానం: లా ఆఫ్ అట్రాక్షన్ (Law of Attraction) మరియు మైండ్ పవర్!

ఈ బ్లాగ్‌లో మనం సవ్జీ భాయ్ ధోలాకియా జీవితం నుండి నేర్చుకోవాల్సిన 8 ముఖ్యమైన మైండ్‌సెట్ సీక్రెట్స్ గురించి తెలుసుకుందాం:

1. ఆకర్షణ సిద్ధాంతం - ది సీక్రెట్ బుక్ పవర్ (The Power of Manifestation)

సవ్జీ భాయ్ తన జీవితంలో "The Secret" పుస్తకాన్ని ఎన్నోసార్లు చదివారు. ఇంగ్లీష్ సరిగ్గా అర్థం కాకపోయినా ఆ సినిమాను ఏకంగా 17 సార్లు చూశారు. ఈ పుస్తకం ద్వారా ఆయన గ్రహించిన అతిపెద్ద సత్యం: "మనం ఏది ఆలోచిస్తే, మన జీవితంలో అదే జరుగుతుంది". ఎప్పుడూ నెగటివ్‌గా ఆలోచించకూడదు.

నిజ జీవిత ఉదాహరణ (Visualisation Power):

• త‌న కొడుకు పెళ్లికి భారత ప్రధాన మంత్రి రావాలని ఆయన ఎన్నోసార్లు ఊహించుకున్నారు (Visualise చేశారు). ఆయన ఆలోచనల శక్తి ఎంత బలమైనదంటే, ప్రధాని నరేంద్ర మోదీ నిజంగానే ఆ వివాహానికి ముఖ్య అతిథిగా విచ్చేశారు!
• లక్ష మంది ప్రజల ముందు తాను మాట్లాడాలని కలలు కన్నారు, అది కూడా నిజమైంది.

2. గుజరాతీ మనీ మైండ్‌సెట్ (The Gujarati Money Mindset)

గుజరాత్ నుండి ఇంతమంది బిలియనీర్లు ఎందుకు వస్తున్నారు? దానికి కారణం వారి డైనింగ్ టేబుల్ సంస్కృతి. గుజరాతీ ఇళ్లలో భోజనం చేసేటప్పుడే పిల్లలకి బిజినెస్ ట్రిక్స్ నేర్పిస్తారు. వారి మైండ్‌సెట్ ఒక్కటే—"ఎవరి కిందో ఉద్యోగం చేయడం కాదు, సొంతంగా వ్యాపారం చేయాలి". కష్టపడే తత్వం (Hardwork), సమాజానికి తిరిగి ఇచ్చే గుణం (Charity)—ఈ రెండు ఉంటే జీవితంలో ఎదుగుదల ఆటోమేటిక్‌గా వస్తుంది.

3. లక్ష్యాలను రాసి పెట్టుకోవడం (The 2027 Vision)

ఆయన 2007 లోనే ఒక డైరీలో రాసి పెట్టుకున్నారు—"సూరత్‌లో నెంబర్ 1 అవుతాను" అని. అనుకున్నట్టే జరిగింది.

• 2012: ఇండియాలోనే నెంబర్ 1
• 2017: డైమండ్ ఇండస్ట్రీలోనే నెంబర్ 1
• 2027: ప్రపంచంలోనే నెంబర్ 1 అవ్వడమే కాకుండా, సామాజిక సేవా కార్యక్రమాల్లో అగ్రస్థానంలో నిలవాలి.
  రాసుకున్నవన్నీ మైండ్ పవర్ ద్వారా సాధించారు, 2027 లక్ష్యాన్ని కూడా 110% సాధిస్తానని ఆయన నమ్ముతున్నారు.

4. వైఫల్యానికి భయపడకండి (Don't Fear Failure)

సవ్జీ భాయ్ ఒక అద్భుతమైన మాట చెబుతారు: "మనం ఓడిపోయినప్పుడే (Fail అయినప్పుడే) దేవుడు మనలో ఉన్నాడని అర్థం అవుతుంది". వ్యాపారంలో ఎన్నిసార్లు ఓడిపోయినా సరే, బిజినెస్‌ను మాత్రం వదలకూడదు. ఎలాగైనా సక్సెస్ అవ్వాలనే పట్టుదల ఉండాలి. ఏమీ చేయకుండా ఖాళీగా కూర్చోవడం కన్నా, ఏదో ఒకటి చేసి ఫెయిల్ అవ్వడం ఎంతో మేలు.

5. సవ్జీ భాయ్ ధోలాకియా 5 జీవిత సూత్రాలు (5 Life Changing Lines)

ఆయన నిరంతరం పాటించే 5 గోల్డెన్ రూల్స్ ఇవే:

1. I am the best (నేను అందరికంటే శ్రేష్ఠుడిని).
2. I can do it (నేను ఏదైనా చేయగలను).
3. God is always with me (భగవంతుడు ఎల్లవేళలా నాలో, నాతో ఉన్నాడు).
4. I am the winner (నేనే విజేతను - గతం గురించి ఆలోచించి బాధపడకండి).
5. Today is my new day (ప్రతి రోజు ఒక కొత్త ఆరంభం).

---

నా వ్యక్తిగత అనుభవం – డిసిప్లిన్ పవర్ (My Personal Takeaway)

నేను కూడా కేవలం ఒక నెల క్రితమే "The Secret" పుస్తకాన్ని చదవడం ప్రారంభించాను. అంతకుముందు రోజులో 2 గంటలు కూడా ఒకే చోట కూర్చోలేని నేను, ఈరోజు ఈ గొప్ప విజేతల కథలను రాయడానికి ఏకంగా 4 గంటల పాటు ఒకే చోట కూర్చుని డిసిప్లిన్‌తో వర్క్ చేయగలుగుతున్నాను. ₹200 పెట్టి కొన్న 250 పేజీల పుస్తకాన్ని వారంలోనే పూర్తి చేసాను.

సొంతంగా ఊహాజనిత కథలు రాయడం కన్నా, ఇలా జీవితంలో సక్సెస్ అయిన వారి నిజ జీవిత కథలను రాయడం వల్ల, అది చదివే మీకు మరియు రాసే నాకు.. మన ఇద్దరి జీవితాల్లో ఏదో ఒక రకంగా ఉపయోగపడుతుందని నా నమ్మకం.

ముగింపు:
మీరు జీవితంలో ఏమి కావాలనుకుంటున్నారో అది మీ కళ్ల ముందు 24x7 కనిపించేలా చూసుకోండి (Visualise చేయండి). ఫలితం గురించి ఇప్పుడే ఆలోచించకండి. రావాల్సిన సమయం వచ్చినప్పుడు అన్నీ వస్తాయి, కానీ మీ ప్రయత్నం, మీ విజన్ (Vision) చాలా ముఖ్యం.

                                                                                                 By

                                                                               శ్రీకృష్ణున్నే నమ్ముకున్న శివుడు
                                                                                              (Shiv Yadav)

           Disclaimer: This article is an independent biographical and motivational study based on publicly available facts.

---